Rouedad Emglevioù ha Tiez ar vro
Darvoudoù
Voir les événements de Deiziataer an Emglevioù-bro - Agenda des Ententes de pays
Petra eo un Emglev bro ?
Kevreadoù dindan statut lezenn 1901 ez eus eus an Emglevioù bro, o vodañ war un dachenn kevreadoù ha kevredigezhioù hag a ra evit diorren ar brezhoneg hag/pe ar gallaoueg ha sevenadur Breizh. Astennet int war dachennoù ledanoc’h pe ledan hag oberiantizoù lies a ginnigont, pep Emglev a istor hag a wrizioù dezhañ e unan.
Diwar bennaennoù demokratelezh ez a an Emglevioù bro en-dro. Tomm d’ar c’heodedouriezh, d’an atebegezh hag d’ar c’henkred e reont evit ma vefe kemeret e berzh gant pep ezel e buhez ar gevredigezh hag en divizoù, hag e kasont ar parder war-raok.
Diazezet eo raktres hag obererezh an Emglevioù bro war bennaennoù hollek hag hollvedel hag a asur eo par an holl dud en o dellezegezh hag en o gwirioù. Stag int ouzh gwir an holl da gemer perzh e buhez ar gevredigezh en un doare dizalc'h hag o toujañ d'o identelezh sevenadur, a-hiniennoù hag a-stroll.
En-dro da 4 ahel pennañ eo diazezet obererezh an Emglevioù bro :
Rassembler
Les Ententes de pays ont pour vocation de rassembler les diverses associations qui œuvrent pour le développement du breton et/ou du gallo, et de la culture bretonne sur leur territoire.
Kelaouiñ & skignañ
Lec'hioù kelaouiñ o oberiantizoù dezhe hag ar re kinniget gant o izili eo an Emglevioù bro, kement ha titouroù o tont eus ar c'hevreadoù pe eus an aozadurioù rannvro.
Harpañ & ambroug
Dre ma'z eus eus an Emglevioù bro lec'hioù d'en em gavout evit ar c'hevredigezhioù hag an dud, graet e vez gante evit kas war wel ha degemer mennozhioù diorren evit treuzkas hag ober gant ar brezhoneg hag/pe ar gallaoueg.
Krouiñ & neveziñ
En em ouestlañ a ra an Emglevioù bro da grouiñ ha da gas war wel mennozhioù nevezer ha kevreder war dachenn sevenadur Breizh.
Aozadurioù kinnig evit o strollegezhioù war dachenn yezh ha sevenadur Breizh eo an Emglevioù bro, kreizennoù dave en o bro anezhe. O c’hizidikaat hag o skoazellañ a reont evit kemer an divyezhegezh e kont en o mont en-dro. Skoazellañ a reont diouzh o goulenn ar c’humunioù sinet gante ar garta « Ya d’ar Brezhoneg » pe ar garta « Du Galo, dam Yan dam Vèr » evit degas da wir an oberoù dibabet hervez ar pezh a zo tu dezhe d’ober.
